এগালমান আশা, সপোন। গোটেইবোৰ একেলগ কৰি বান্ধি দ'মাই থোৱা আছে। মাজে মাজে দুই এটাই বান্ধোন চিঙি বাস্তৱৰ ওচৰলৈ দৌৰ মাৰে। কেতিয়াবা কাষ পাইগৈ আৰু কেতিয়াবা নাপায়। ওভতি আহি আকৌ টানি টানি জৰীৰে নিজকে বান্ধে। কেতিয়াবা বান্ধোনৰ বাবে অসহ্য নিনাদ হয়। হ'লেও তালৈ কাণ কৰিবলৈ কাৰো আহৰি নাই। দিন বাগৰি দিন যায়। লাহে লাহে সব বান্ধোনৰ যন্ত্ৰনাত চটফটাই চটফটাই নিমাতে গুচি যায় বহু দূৰলৈ। দুই এটাই হেপেটিমুৱা হৈ ৰৈ থাকে। কিন্তু পিছত সিহঁতেও বাস্তৱক লগ নকৰাকৈ গুচি যায়।
বিপ্লৱী সন্তানৰ বিপ্লৱৰ ইতিহাস
বিপ্লৱী সন্তানৰ বিপ্লৱৰ ইতিহাস ৰুদ্ধ দুৱাৰ হেঁচোকি ইতিহাসৰ প্ৰাচীৰ খহাই, বৈ আহিছে বিপ্লৱী তেজৰ সুঁতি। হাতত কলমৰ তীক্ষ্ণ বাণী, ক্ষত বিক্ষত হৈ পৰিছে শতিকাৰ কীৰিতি, মুমূৰ্ষু হৈ পৰিছে ভবিষ্যতৰ ইতিহাস! তথাপিও বিপ্লৱৰ গান সিৰে সিৰে গুজি ডেউকা কোবাই ওলাই আহিছে সহস্ৰ তৰুণ-তৰুণী। সময়ৰ ঢালত শত্ৰুৰ শৰ হয় যেন নিমিষতে চূৰ্ণ! আকৌ যেন সময়ে ইতিহাস দোহাৰিছে! অসমী আইৰ চৰণ চুই ৰুক্ষ পক্ষৰ হৃদয় বিদাৰি আকৌ ৰচিব খুজিছোঁ বিপ্লৱী সন্তানৰ বিপ্লৱৰ ইতিহাস। ✍ দেবব্ৰত চুতীয়া ডিব্ৰুগড় বিশ্ববিদ্যালয় @debabrat/- https://www.facebook.com/100029777538048/posts/322533355415913/?app=fbl
Comments
Post a Comment